الدين الاسلام والدولة السعودية

البارحه قـمـــت اقلب في ملــفــاتي

لقيتـهـــا كلهــا ميـه عــلـى مــيه

مسلم ومؤمن وحافــظ لصـــلاواتي

وبحث عن الخير دايم واحسن النيه

وربي الدقــن وحــف الشــناباتــي

وقــصـر الثــوب وخـاو الدعـاويه

وعزالاصحــاب وظبــط علاقاتي

مع الشيوخ الكبار اهــل الفتاويه

الي لهم فالبــلد مــركز سـجلاتي

ومعاملتهم بدون فلوس مقضــيه

مركوبهم بنز من ارقا الموديلاتي

ويـصيفـون بجنيف بكـل صيــفيـه

وعندي تحفظ على بعض القراراتي

الي توزع بــدون اوراق رسـمــيه

ونام وصحى ونا مطبوع في ذاتي

الدين الاسلام ماهــوب المسيحيه

ون العرب تنتصر في تال الاوقاتي

عـلى الشيوعيه وعــلى اليهـوديه

ويعم الاسـلام ويـزيح الخــلافـاتي

وصير شخصيه انا ومن حواليه

ونسلم من أهل التملق والخرافاتي

اكالت السحـت صنـاع الحـراميه

الي لهم فالقشر صوله وجولاتي

ويأيدون المشــاكل والحــزازيــه

هدامت العز في قـدم الحضـاراتي

الي يهــدمون عــز الدوله الحيه

شرابت الخمــر عبـاد المـلــذاتي

جحادت الدين والكتب السماويه

ارجع لموضوعي ارتب مقالاتي

ياليتني جبت لو خمسين فالميه

كــلامي الي اعززبه طمـوحــاتي

يالــلاســف بس لاهــذي ولا ذيـه

بس الصحيح انها عكس اتجاهاتي

مذنب ولافيــه داعــي لشفــافيــه

أذنوبي اكبر من اجبال السراواتي

تعبت لاشــيلها وتعبــت رجلــيه

لكن شي صدر بس عن قناعاتي

الديـن الاسـلام والدوله سعوديه


يكون لك [color=#ffffff]}{قلب انت صاحبه}{</FONT>
والأجمل ان يكون لك {} ِصاحب انت قلبه